अपघातातील जखमीचा मृत्यू

सातारा : अपघातातील जखमीचा उपचारादरम्यान मृत्यू झाल्याची नोंद सातारा तालुका पोलीस ठाण्यात करण्यात आली आहे.

याबाबत पोलिसांनी दिलेली माहिती अशी, सातारा ते ठोसेघर रस्त्यावरील बोरणे गावच्या हद्दीत दुचाकीवरुन घसरुन झालेल्या अपघातात जखमी झालेल्या सुनील बाळू राठोड (वय 21, रा. सर्जापूर ता.जावली) या युवकाचा उपचारावेळी मृत्यू झाला. ही घटना 16 डिसेंबर रोजी घडली आहे. याप्रकरणी सातारा तालुका पोलीस ठाण्यात गुन्हा दाखल झाला आहे.